鄧麗欣專撬阿嬌牆腳
愛情事業兩如意的鄧麗欣（Stephy），繼現實生活中搶贏鍾欣桐（阿嬌）的緋聞男友方力申後，在新片中又搶去阿嬌另一緋聞男友麥浚龍（Juno），Juno坦言有Stephy這位新女友好開心。
據知，Stephy接拍了Juno契爺陳自強監製的新片《小雙俠》（暫名），戲中兩人飾演情侶。現實中，Stephy與方力申已是公開的一對，更已默認拍拖關係，最巧合是小方跟Juno先後與阿嬌都傳過緋聞，這段四角關係挺有趣，Stephy在戲外戲內都可謂搶贏阿嬌。
已拍了兩三日
Stephy去年跟男友方力申以情侶檔接拍內地一部民初電視劇《風雨桃花鎮》，兩人感情一日千里，既到馬爾代夫預支蜜月，男方又帶女友到北京見家長。忙完頒獎禮的Stephy，已經投入電影拍攝工作，今日她會跟Juno出席新片開鏡儀式，其他合作演員還有夏文汐、林家棟及「廣州周星馳」溫超等。
忙於拍戲的Juno昨日在電話中透露新片已開拍一星期：「Stephy喺戲裏面做我女朋友，好開心呀！大家拍咗兩三日，同場仲有夏文汐，佢做我媽咪。」戲中飾演外賣仔的Juno，對女友Stephy細心照顧兼保護，問到可有親密場面？他笑說：「最親密係想錫，但錫唔到。」
唔怕女友呷醋
不過Stephy有場揸電單車載Juno的貼身親密戲，問女友戴庚玲可會呷醋？他說：「唔會，拍戲啫。（小方有冇嚟探班？）我知佢喺內地拍緊戲。」Juno又自爆有驚險鏡頭，其中一場戲講述有人追殺Stephy，他帶着Stephy逃亡被車撞倒，專業的他堅持親身上陣。
文：音樂組