薛芷倫死過翻生體會親情永恒
薛芷倫（Fanny）因患乳癌治療一年半，經歷三次化療後康復，早前「復出」出席倒數派對，Fanny可說從「鬼門關」走出來，期間曾全身潰爛昏迷多日，最大體會是外表美麗並不是永恒，親人的愛才是永恒。
Fanny昨日接受電話訪問，透露治療中得到Stevens Johnson Syndrome（史蒂芬強森症候群），令到全身潰爛：「那種潰爛是非常恐怖，依家有人笑我嘴腫，你係不能相信嘴可以潰爛到咁，令我好大感觸，『幸』福與『辛』苦係一線之差，當時亦感受到天堂與地獄亦係一線之差。」
家人不離不棄
Fanny接受第二次化療時候不適，家人即送醫，之後昏迷多日幾乎喪命：「佢哋話我當時冇知覺，心跳非常慢，全身抽筋，嘔白泡，仲咬斷條脷，全嘴都係血，但我冇晒記憶，後來佢哋講我知，話我有啲反應，馬生同個仔不斷喺床邊同我傾偈，鼓勵我，叫醒我，但自己就唔知。當我返嚟呢個世界時，見到佢地喺床邊，當時好感動、好開心、好窩心、好有安全感。」
Fanny因為咬斷脷，變得口齒不清，用了幾個月再學講話，期間最不捨得三個子女，亦因有他們的鼓勵才能重獲自信：「化療期間冇晒頭髮，冇眼眉毛，零自信，佢哋搵笑話氹我，話阿邊個都光頭都好型呀，令我重拾自信。」整件事最大體會：「外表美麗唔係永恒，親人、仔女嘅愛先係永恒！」
Fanny昨日更在微博寫上：「Every cloud has a silver lining……大家碰到挫折，不要氣餒，不要絕望，因為曙光在即，烏雲背後有着晴天！共勉之。」
前夫大表心痛
Fanny更感激前夫馬清偉對她不離不棄，接她回家中休養，之前的誤會全部冰釋。馬清偉說：「其實當時情況都幾緊張，知佢好辛苦，當你見到任何親人全身潰爛都會心痛。呢啲時候一定要支持佢，佢係大步檻過。依家佢好正常，係要注意吓啲飲食，任何癌症都要有觀察期。」至於兩人會否復合？他說：「唔會，不過我哋係好好嘅朋友，新一年希望佢身體健康，我哋不嬲關係都OK，遲啲過節或者會同仔女一齊過。」而Fanny在康復後正計劃去幫助有需要的病患。
名人組