徐淑敏自爆囡囡公主病
徐淑敏昨日出席活動繼續晒事業線，自爆十個月大的女兒，年紀小小已動手打人得了公主病，而近年在馬來西亞相夫教子的名模Danielle Graham，昨日宣布喜訊再任母親，懷有B女超過五個月，終如願以償湊成一個「好」字。
徐淑敏以tube dress騷事業線出席昨日兒童鞋專門店Stride Rite開幕活動，說現在十個月大的女兒，早前出席派對時出手打人，問到女兒是否有公主病，她說：「依家有，佢萬千寵愛，不過佢未夠一歲，未知咩事。（囡囡性格似老公？）我細個都臭脾氣，佢見到我會推開我，見到Daddy唔會。（擔心囡囡嫁唔出？）30幾年後都唔知咩世界，我有幫佢睇命，佢係女強人。」徐淑敏更言會隨時準備再生。
懷孕五個月
專程來港出席的名模Danielle Graham，昨日以一身黑色緊身衫褲配高跟鞋示人，身形纖瘦，期間更抱BB活動自如的行騷。Danielle被問到會否再生B時，她即鬼馬一笑並說：「May be。」後被追問下承認已有身孕，懷有女嬰已超過五個月。
照着高踭鞋
自言懷孕至今只重了大約五磅半的Danielle說：「今日着黑衫係想遮肚，平時唔着高踭鞋，今日因為貪靚先着。今胎係計劃之中，因為想兩個小朋友陪住一齊成長。」她續說老公身在馬來西亞，因太掛住兒子故今天即離港。「囝囝依家十六個月大，（囝囝知你有B？）佢會摸同錫我個肚。（產後照工作？）雖然依家係全職媽咪，但如果有合適工作都會做！」
文：名人組