楊秀惠谷肥鬧情緒要食藥
藝員楊秀惠與徐子珊昨日齊為電視劇《仁心解碼》宣傳，秀惠透露兩年前拍此劇時曾患上情緒病，要服食減壓藥，她說：「因為我個角色需要將我化成一個大肥妹，每次化妝都要四、五個鐘，拍完又要用兩個鐘去卸妝，拍嗰陣又要用多兩、三倍嘅力去做面部表情，所以真係好大壓力。」她坦言是第一次因工作而要服用減壓藥，不過慶幸有一班同事關心及體諒，特別是與她飾演情侶的黃浩然。
另外，徐子珊則表示兩年前拍此劇後同一時間又忙於唱歌及拍戲，就像演繹很多不同的角色：「其實嗰陣真係好似人格分裂咁，成日唔知自己忙緊乜，又唱歌又拍戲拍劇，同我個角色好似，依家感受深咗，若拍續集一定好有幫助。」她又踢爆男主角方中信因要返內地賺奶粉錢而缺席宣傳，不過承諾無論如何都會回來作一次宣傳，她更笑言希望方中信可以帶她回內地賺外快。