曹敏莉身形變凸肚報喜
港姐曹敏莉昨日出席活動，雖然穿着大褸，但身形略為有變，問到是否有喜，她笑言：「肥咗啫！」記者恭喜她時，她笑而不答，不過記者親手摸她的肚，其肚明顯隆起。
曹敏莉（Mandy）之前跟金融才俊張家傑結婚，兩人坦言希望生小朋友，果然有心有力，兩人結婚未夠半年，Mandy已懷孕。昨日Mandy與蘇玉華、莫可欣出席奧海城環保活動時，雖然身穿黑色大褸，但行路時不時摸着肚，記者問她是否有喜，她笑笑謂：「肥咗啫！（係咪唔講得住？）遲啲先講啦！」不過之後記者親手摸她的肚，Mandy的肚明顯隆起，記者恭喜她時，她即時展露幸福笑容，而Mandy的母親可能擔心女兒，昨日更親自陪女兒出席活動。
聽老公話減job
Mandy是以慧妍雅集代表身份到場支持活動，她謂：「希望做多啲慈善活動，娛樂圈啲嘢會做少啲，（老公冇叫你休息多啲咩？）所以做多啲慈善活動囉！唔使咁辛苦，自己已休息好多。（有冇嘔？）我身體都OK！」不過昨日Mandy仍穿三吋長boot示人，她謂：「呢對鞋都好舒服，（有冇乜嘢特別想食？）我不嬲食嘢都好健康，自己乜嘢都食。」她又表示下次出席公開活動會是三月十三日的慈善步行，更謂：「到時唔行都會去支持！」
莫可欣：唔好忟
同場的莫可欣表示剛剛記者告知才知道對方懷孕，她說：「我諗應該三個月，嗰陣我死都唔肯講都係三個月，（會否給她心得？）最緊要心平氣和，唔好咁忟，不過過程會好enjoy！」問她會否想享受多一次時，她說：「嘩！好重皮o架！（慧妍雅集會否給Mandy少啲工作？）佢係副會長，應該會有好多committe幫佢。」
而蘇玉華表示之前經常頭暈，前日看醫生指她耳水不平衡，拍飲食節目《和味蘇》雖辛苦，但監製表示將開第二輯，她說最想去北歐、日本取景。
文：影視組