周秀娜畏寒體弱招財進補

早前周秀娜（Chrissie）為She.com網頁拍攝時裝相片，相中的她收起性感，以型格示人。Chrissie表示雖然平日工作多以性感為主，但私底下卻是奉行簡單和密實政策，她說：「我好鍾意黑色，我屋企衣櫃打開大部分都係黑色，因為我覺得黑色着得人瘦啲，而且又易襯，同埋冬天着深色衫感覺好似會暖啲咁！」

問到會否在冬天暫「封胸」收起性感？她笑說：「其實我自己都係愛靚唔愛命，如果件衫性感得嚟係靚嘅，就算天氣凍我都會照着，雖然我怕冷。其實我身體都差咗，之前唔係好舒服去咗睇醫生同驗血，之後我去台灣做嘢醫生打畀我，話我甲狀腺有問題，當時自己都好驚，第日即刻飛返嚟，好彩醫生話唔係好嚴重，但身體就弱囉！」

過年泰國還神

記者笑指大忙人的她身家應該暴漲不少，難怪「財多身子弱」，她卻否認說：「唔覺財多喎，但身子就真係弱囉，我嘅工作同收入唔成正比o架，不過冇所謂，最好多啲工作，愈多愈好，趁後生梗係搵錢至上。」大概要賺多點，才可為身體進補吧！

Chrissie謂近一年已對節日沒甚感覺，因為大多時間都要在工作中度過，因此農曆新年她已向公司請了假期：「一早已經同公司講明，真係要休息吓抖吓氣，順便去泰國還神。」