古天樂攞正牌咬字唔使正
古天樂的普通話一向不算靈光，但他在新片中飾中港貨櫃車司機，攞正牌講半鹹淡普通話，而拍檔莫文蔚（Karen）及黃奕亦撐他的普通話進步不少。
古仔、Karen、內地女星黃奕前晚出席有份演出的電影《一路有你》的首映禮，在電影中飾演中港貨櫃車司機的古仔，因一次意外而撞死黃奕老公，其後要照顧對方而產生感情，故事背景被指與張栢芝的《忘不了》相似。
坦言對白有難度
古仔在片中不時有普通話對白，黃奕曾讚他很用心去講對白，古仔坦言：「唔係用母語去演戲係有難度，我有請教黃奕、Karen佢哋，有咩要糾正我，（接此戲時有否擔心要講普通話？）呢套戲係講香港回歸後，中港司機返內地工作嘅實況，講佢哋講普通話，反而唔需要咬字太正。」Karen亦撐古仔的普通話進步很多，表現自信。
黃奕同工作拍拖
另外，Karen表示不清楚前男友馮德倫與徐若瑄分手一事，又謂二人一直保持好友關係，若馮德倫有需要就會講給她知道。至於剛失婚的黃奕新年願望並未想過要有新戀情，坦言只想跟工作談戀愛，現全心專注在工作方面及享受現狀。
文：影視組