莊思敏恨徐子淇生仔
徐子淇老爺李兆基前晚公開承認徐子淇第三度有喜，已有身孕約兩、三個月，更言如果今胎是孫女會感到有點失望。昨日恒基發言人表示徐子淇對老爺公開有喜消息冇回應，不過身為子淇御用化妝師的Gary Chung，昨日接受電話訪問，笑言一直都不敢主動向好友求證：「之前已睇到佢個身比前脹咗都估到，不過我冇問佢，今日大家都係sms講新年快樂！我見到四叔咁講，下次我會預備有機化妝品畀佢。」而子淇好友陳君宜表示剛從日本滑雪返港故不知喜訊：「我一個月前見佢唔覺佢有咗，我會打畀佢問吓。」
另外，前晚和家人到君悅出席倒數派對的莊思敏，和兩個妹妹均以性感晚裝示人，更言新年願望是日日有工開。對於子淇再傳喜訊，莊思敏說：「恭喜晒！我當然想佢今胎係仔，因為已有兩個女，係時候生番個細佬。」
