陳法拉同男友商量婚事
陳法拉昨出席商場活動，並即場展示舞姿，法拉透露大除夕夜到了澳門做倒數活動，在數千觀眾面前獻唱有如開演唱會般，返港已是凌晨三時，問到可有與男友慶祝新年，她笑謂已太夜要瞓覺。
至於新一年的工作可有加價，法拉說：「有少少啦，都望所有嘢同工作一齊進步，今日又搵真銀，係一個好開始。」談到新年願望，法拉覺得最重要身體健康，因去年工作太忙，記者笑她做了少奶奶自然身體健康，法拉聞言笑笑說：「唔關事，作息正常就得，（就快結婚？）我都望有好事發生，但唔係一個人話事，（有冇暗示男友？）我哋會私下商量，（男友有冇意娶你？）你問人哋啦！」
