軒仔家族三代有抑鬱症
張敬軒前晚出席除夕倒數活動時表示早前於微博表示有情緒病，其實沒有大家想像那麼嚴重，他說：「我一向有抑鬱症，係家族遺傳，屋企三代都係咁，○二年左右開始食藥，唔係好嚴重，咁啱之前發生咗好多唔開心嘅事，所以先喺微博度咁寫。」他又透露將會去箍牙，半年內都不能唱歌。
另外，對於近日頒獎禮風波，他認為應一人讓一步：「好多人當笑話咁睇，希望照顧歌手生計先，講真出碟搵到幾多錢？（傳陳奕迅（Eason）跳槽失落叱咤益咗你？）有乜可能呀，睇反應都知Eason呼聲最好，未去到呢個位而畀個獎我，係好心做壞事。」