Rednoon鬧港台大細超
港台前晚在時代廣場舉行倒數活動，並率先公布「第三十三屆十大中文金曲」的「最優秀流行男女歌手」名單，包括G.E.M.，杯葛出席的英皇、東亞旗下容祖兒、古巨基、楊千嬅、衞蘭，四大唱片的陳奕迅、李克勤、謝安琪、張敬軒、樂隊Mr.、方大同、陳柏宇。祖兒更進身「全國最佳女歌手獎」最後五強。
參與除夕倒數歌手僅得謝安琪、關心妍、薛凱琪及關楚耀等歌手，陣容明顯較往年失色，謝安琪坦言未感受到熱鬧氣氛：「我記得上年軒仔帶埋香檳嚟，我又同祖兒齊齊倒數，今年真係好似欠缺咗啲氣氛。」她指東南亞傳媒認為香港樂壇地位不再，希望樂壇可以更團結。薛凱琪則力撐現場冷清只是時間尚早：「近十二點就會多人啲。（你留到十二點？）唔會啦，不過至少我嚟咗！」
有份演出的樂隊Rednoon成員馬嘉明在台上突然狂鬧港台，直斥官方電台以歌手的商業價值衡量他們的演出時間不公平，可惜現場反應冷淡。港台高層馮偉棠回應：「因為請咗好多歌手，但係個騷只得三個鐘，要顧及現場氣氛，我覺得好無奈，其實歌手應該將最好一面表演，或者考慮明年請少啲歌手。」