高雅千嬅散發女人味

今次本報特別邀請本地著名設計師林樹彬（Arthur）評論眾歌星的衣着，當中周柏豪的「黑妖」武裝打扮最為矚目，全身灰黑色，蝙蝠斗篷，更搽上金色閃閃花甲，再塗上刻意化開的黑色唇膏，妖味十足，punk足全場。Arthur說：「佢嘅黑色嘴唇，加Mohawk髮型，Rock味好重，好前衞，但如果件衫可以再誇張啲、Rock啲，咁就更perfect。」

男仔組合Swing的Jerald以巴斯光年的造型出席，可見花足心思，Arthur說：「呢啲造型好得意，令人印象深刻。」而許志安粉紅色毛衣，令人一見難忘，Arthur說：「許志安嘅粉紅色oversize上衣，顯得佢冇咁瘦，而且有質感，顏色好sharp、好搶眼。」

眾女星之中，Arthur大讚楊千嬅衣着有進步，他說：「千嬅套裙望落好舒服，無論顏色或款式都冇得彈，成熟高雅，又大方簡單，散發女人味，好啱佢丁太嘅身份，又有時代感。」另外，容祖兒同樣出色，Arthur說：「佢好有阿姐風采，形象適宜，着裙好啱佢，唔會誇張。」至於謝安琪，Arthur表示裙令她變得豐滿，他說：「佢嘅髮型化妝都OK，但衣着顯得佢肥咗，白色顯得條腰粗，唔應該着咁多層次嘅嘢。」

而一向在時裝上無甚睇頭的王菀之亦令人眼前一亮，罕有露背現身，加上玩野性高踭鞋及特別髮型，充滿後現代Look。

王菀之罕有露背，性感一番。	放大圖片	Swing的Jerald（左）的巴斯光年造型得意矚目。