Rosanne佗仔繼續再追
女子組合2R出任美容中心代言人，昨日出席慶祝活動時於鬧巿坐人力車出場，黃婉佩（Race）在人力車上不慎露出打底褲。身懷六甲的家姐黃婉君（Rosanne）已照超聲波，佗的是仔，媽咪開心到喊，老公亦開心的說將來可以教BB踢波。她有意追個女，繼續生多兩個。
Rosanne性感上陣，事前老公已先行過目所有衫：「佢淨係叫我食飽飽同貼暖包，好細心。」未坐過人力車的她反而有少少驚，但公司找女同事試坐過，左右又有八個保安保護住，非常小心！佗B也不留在家做少奶奶，Rosanne說：「想畀人睇到現代女性一面，懷孕都可以好放鬆。」今次姊妹倆勁袋七位數字酬勞，價錢吸引，產後Rosanne更可免費修身。
