拉姑無孫一身輕 拍拖行街
一直對兩位孫仔Lucas和Quintus錫到燶的狄波拉（拉姑），近日被指嫌湊孫困身，御准栢芝媽幫手湊孫，令雙方關係破冰。日前下午六時許，拉姑與老公鬍鬚Kong拍拖到ifc行街，未幾鬍鬚Kong先行離開，被撇下的拉姑獨自於商場內欣賞裝飾布置，行到腳仔軟時，她即往附近咖啡店坐下來休息等朋友。
期間，拉姑被途人認出並要求合照，她亦有求必應。待老公及朋友前來會合後，眾人然後再往附近購化妝品。記者上前問拉姑為何不帶孫仔出來？她說：「唔帶啦，咁多人。」對於近日拍得栢芝媽湊孫，她說：「好正常啫！有咩唔妥呀？（佢唔畀你湊咩？）一人一個唔得o架咩？」其後便與眾人離開。
