DaDa喪揀男裝 買五千蚊貴套
陳靜（DaDa）被傳搭上富豪而暴發後，品味亦隨之「升呢」！早前她以富貴打扮與同門的「E Cup教主」鄧伊玲（阿旦）買聖誕禮物，DaDa專攻男士飾物，更豪擲逾五千元買名牌卡片套。
有傳「百果園咪神」DaDa捲入出席富豪飯局，因而暴發買樓，DaDa的品味亦逐步提升，由昔日鍾情中價品牌「升呢」至專攻名牌。早前DaDa手挽約兩萬元的Chanel袋，偕同門師妹「E Cup教主」阿旦到銅鑼灣行街。
俯身試鞋晒事業線
兩女先到女裝部睇衫，阿旦拿起不同的Tee為DaDa左拼右襯。兩女面對大減價難免失控，DaDa試身後即捨棄原本的毛毛上衣，穿透薄白Tee滿場飛。穿迷你傘裙的她甘冒走光危險，頻頻俯身揀鞋，試各款長靴時更忘我，不惜彎身大騷事業線。
兩女之後轉攻男裝，阿旦為男友黎國輝（阿感）揀禮物，DaDa除了從旁提供意見，還揀埋一份，研究皮帶及領呔，未知是否想送給富豪朋友？DaDa不揀中價貨品，反而對名貴卡片套情有獨鍾，皮套雖小，但價值逾五千元，DaDa得悉價錢即二話不說扑錘購買，埋單時更風騷嘟嘴。
事後問DaDa是否送名貴卡片套給男友？她說：「唔係，係送畀經理人施念慈做新年禮物。（出手咁重？）多謝佢錫我。」
Carol鍾情白色bra
此外，「浸大E神」楊梓瑤（Carol）日前於尖沙咀工作後，即相約女友人購物。Carol到內衣店揀選心頭好，專攻純潔的白色bra，又與友人研究質地及價錢，才拿心頭好前往試身室，但最後嘴扁扁冇幫襯，未幾她又揀選內褲，但仍是沒有斬獲。二人其後轉戰附近時裝店，慳家的Carol不時挑選減價貨，不過行足兩粒鐘亦是混吉。
文：專案組