林敏驄昨日為老友的瓷磚店做生招牌宣傳，將其肖像印上製作巨型瓷磚牆。阿驄透露首次與瓷磚店crossover設計瓷磚品牌「Moji」。問到是否有份投資？阿驄笑言：「我投資係我嘅頭腦，喺設計上畀啲意見。」他的肖像瓷磚印上「傷心餐廳」字樣，莫非想開設食肆？阿驄表示因身旁老友想開一間藝術餐廳，食之餘更可以順道賣瓷磚。他更笑言：「係呀，傷心餐廳，失戀可以去，傷心又可以去，可以去溝女呀！」問到是否想轉行從商？他謂：「係多元化發展。」
