舒淇Dry爆 係仔都殺

舒淇及葛優昨晚來港宣傳電影《非誠勿擾2》，身穿綠黑Tube Dress的舒淇，在五對新人的帶領下翹着葛優出場，更即席拋花球及宣讀愛的宣言，猶如真的出嫁一樣，不過廣東話不靈光的她，所讀的宣言令在場人士「一句都聽唔明」，她說：「我仲以為自己講得好正，Sorry！強姦咗你哋嘅耳仔，其實近十年我啲廣東話都冇進步過！」

自隊醉兩日

雖然被指與葛優是「美女與野獸」的組合，但多年冇拍拖的舒淇已完全不介意外形，更表示愛上對方：「我覺得我哋愈來愈襯，好有默契，佢雖然唔識氹人，但好尊重女性，做咩佢咁早結婚呀？我有投放真感情o架！」問到將來想嫁給哪個國家的人？她即「漁翁撒網」，戲言是聯合國，但其後又灰爆地說：「有先算啦！」她又表示日前出席楊千嬅的婚宴時見一個飲一杯，令她醉足兩日，對於有指舊愛黎明因避她而缺席，舒淇說：「唔知，你哋問佢啦，（尷尬？）陳年往事啦！」她又表示戲中角色與她真人頗為相似：「對感情嘅睇法似，都係好善變，得一想二。」提到片中與兩大影帝葛優及孫紅雷鬥演技，她表示最大的準備工夫是要練好北京話。

舒淇翹着影帝葛優（左）及導演馮小剛合照，十分風騷。

男女主角在五對新人的帶領下出場，場面溫馨。

35歲嫁張震

對於張敬軒最近疑患情緒病，曾飽受情緒困擾的舒淇表示當年抽離不到角色，每日都非常不開心：「呢樣嘢要靠自己度過。（有人陪唔係好啲？）係好少少，但嗰段時間咩都聽唔入耳，惟有向好方面諗。」記得舒淇曾表示若前緋聞男友張震於35歲後仍未結婚，她便會嫁給對方，而明年兩人均滿35，未知她會否兌現承諾？

此外，《非》片與英皇電影《讓子彈飛》同期上映，票房均十分理想，但號稱「商業片王」的馮小剛在片中加入各類產品、價值6,000萬元的廣告，受到不少非議，《讓》片導演姜文則堅拒在其藝術作品中加入商業元素，更不屑地說：「我會用上乘的電影質素幫投資者賺錢。」但亦有人力撐《非》片呼籲愛護公益事業。

文：影視組