婷婷做安志杰滅火筒
謝婷婷與男友安志杰（Andy）手拖手出席活動，婷婷一反平日型女打扮，與男友齊齊扮cute出席，問Andy可鍾意婷婷的打扮？他即說：「佢點着我都鍾意，我嘅打扮都係佢諗出嚟，佢好有時裝觸覺，着乜都有品味。」
有不少女仔在男友面前好嗲，婷婷指她亦不例外，她說：「點解女仔喺男仔面前會變聲，自己都係，變得好細路女，我聽到都吓一吓，覺好奇怪。（指着男友）佢話想我八十歲都係咁。」在旁的安志杰即答嘴：「聽到呢把聲就會心軟，叫我去死都得。」而女友會否成日發脾氣，他說：「每個情侶都會嗌交，佢好少發脾氣，鬧完就冇嘢，多數都係我道歉先。」婷婷則表示Andy很少發脾氣，Andy說：「我好少發脾氣，但係發嗰陣反應好大，不過婷婷好厲害，佢係我滅火筒。」