陳慧琳護夫禿頭唔核突

陳慧琳（Kelly）Hello Kitty上身，昨日着上掛有十多個Hello Kitty公仔的服裝出席活動，大讚身上的Hello Kitty可愛又得意，自言是Kitty迷，她說：「我自己好迷Hello Kitty，無論讀書或入行，都有好多佢嘅用品，文具、公仔等等，就算屋企嘅多士爐都係佢。（蝦餃仔鍾唔鍾意？）佢都好鍾意，佢對動物、貓狗特別鍾意，一見到就成日指住問。」同場的周柏豪及連詩雅亦對Hello Kitty愛不釋手。

平均稀疏拒植髮

另外，有指老公劉建浩（Alex）因為接管家族生意，壓力大而禿頭，Kelly為老公澄清說：「唔關事，佢接管咗好多年，未有壓力時都禿緊，男人係咁。（佢係咪好忙？）唔係，工作上佢都管理到，分配到時間，佢之前要成日飛外國見客仲忙。」至於有否辦法幫老公解決禿頭，Kelly說：「冇辦法，佢都唔開心，佢都貪靚，不過佢唔係禿得好核突，係平均地稀疏落去，就算佢頭髮多嘅時間，個髮型都冇乜轉，佢自己都唔介意。」被問到會否介紹老公植髮？她即大反應說：「佢最怕，千祈唔好，成日笑人植髮，我有時同佢喺街佢都識睇，會指住人話人哋植髮。」

連詩雅近期不時出席公開活動，曝光率極高。

周柏豪與連詩雅大唔透，揸住公仔袋唔願放手。

四大破冰與己無關

另外，被問到她有否為老公的絲帶花公司做生招牌，她即說：「我之前演唱會有條裙，係佢公司做，依家放咗喺佢公司。」

現四大唱片公司與TVB破冰，Kelly被問到以後是否可做TVB訪問，她說：「我不嬲都可以做TVB訪問，我冇簽唱片公司好多年，所以我係局外人。」

文：名人組