李詩韻嫌麻煩 唔恨釣金龜
馬浚偉、李詩韻昨日於九龍城為劇集《紫禁驚雷》拍攝外景，戲中二人有不少感情戲，此劇開拍了個多月，馬浚偉坦言既要打、又多對白，故拍得頗辛苦，他說︰「今次呢套劇拍得好辛苦，聽日做冬、聖誕、大除夕我都要開廠，冇計啦！犧性小我，畀其他同事搵吓食，希望有家室嘅可以同屋企人過節，今年節日我包，出年唔包呀！」
問馬浚偉是否出年成家立室？他說︰「唔知o架！總之今年有我頂住啦！（係咪出年結婚?）未！隨緣啦！」他又坦言甚麼假都可以不放，但農曆新年一定要放，皆因農曆新年特別有氣氛。
讚馬國明好仔
而李詩韻表示聖誕節沒有通告，有機會都想去派對，她謂︰「聖誕對我嚟講最緊要，最有love，（咁你有lover未?）有人追，但未有真正嘅， 我哋呢個年紀會睇定啲先。」問她會否希望「釣金龜」，詩韻謂︰「當然想搵個經濟穩定啲嘅！女仔生咗小朋友賺錢能力會減，但我又唔會以錢嚟擇偶，同太有錢嘅人拍拖，一來好多麻煩，二來大家價值觀始終會唔同，試過結識過，但拍唔埋囉！」說到同劇的馬國明被指是好仔一名，問她會否考慮，她笑言:「我哋唔會囉！我想搵圈外人，我絕對贊同佢係好仔，但係not good for me。」
文：影視組