吳日言蜜運成功當街煙韌
吳日言（Yan）入行以來鮮有緋聞，可謂異性絕緣體，不過連日來竟發現Yan與一男友人於鬧市出雙入對，期間更不時頭貼頭、面貼面玩電話，陪玩又陪食，難怪Yan全程sweet爆甜笑！
日前，Yan與男友人現身銅鑼灣，見他們到名店行逛時，男友人不時主動走上前向Yan提供意見，認真體貼。未幾二人等的士期間更一起密密低頭玩電話，Yan更詐嬌將頭貼於對方頭上。記者現身上前恭喜Yan蜜運之際，Yan則甜笑表示：「唔係呀，普通朋友啫，我哋依家準備搭的士去搵嘢食。」未幾，二人便登上的士離去。事隔一星期，二人又再於銅鑼灣拍拖買零食及大閘蟹，認真煙韌！
