梁烈唯撞車斷腳三哥趁亂咀
向來十分玩得的苗僑偉（三哥）昨晚拍攝新劇外景時大搞氣氛，懶理眾多遊客圍觀，作狀與「斷腳」的梁烈唯嘴對嘴扮人工呼吸，場面非常搞笑！
苗僑偉昨晚與梁烈唯到九龍城拍攝新劇《抉宅男女》，講述梁烈唯被壞人揸車撞斷腳，飾演其兄長的三哥追至並報警。期間唯唯拍撞車戲時，與高速行駛中的汽車接近零距離，場面驚險，在場的三哥及工作人員均不禁驚呼！其後三哥扶起唯唯，兩人戲內很投入，「斷腳」的唯唯更肉緊得七情上面，但當試戲時即玩到癲，雖然已是半夜一時，但三哥依然精神奕奕，搞笑地為唯唯做心外壓，又作狀做人工呼吸，導演更形容為「斷背山之吻」，非常搞笑！拍攝期間，更有大批馬來西亞旅客從酒店步出睇拍戲，更有部分只穿睡衣仍看得津津有味。
梁乃鵬請食飯
三哥表示最近忙於拍劇，幸而平安夜當日放假，可跟太太戚美珍慶祝，問到會搞甚麼驚喜？他說：「仲興呢啲咩？佢好潮，有晒iPhone、iPad，一出新嘢我就要買o架喇！」他表示將與《刑警》好友黃日華及胡定欣等慶祝，並指高層梁乃鵬透露將會請食飯，問到是否安撫華哥？三哥說：「唔使，佢不嬲好開心！」唯唯則表示今次角色有鬱躁症，與過去的開心形象分別很大：「我投入到胃痛，好在三嫂開解我，叫我要抽離。」
幫郭羨妮執鞋
而昨晚較早時分，三哥與郭羨妮到尖沙咀拍攝另一場戲，講述兩人於97年結婚後即往攞籌買樓，郭母亦有到場探班。只見戴上假髮的三哥拖着郭羨妮狂奔，女方更跑到甩鞋，三哥為她執起平底鞋後說：「唔好着喇！跑啦！」拍畢後三哥即被市民圍着索合照，果然魅力非凡！
文：影視組 攝：秦健輝