吳雨唔信無綫玩大方

吳雨、泳兒、張致恒、關智斌及洪卓立昨日出席《英皇下一站天王天后》最後十強記者會，吳雨大方透露昨晨收到助理廣播處長（電視）張文新電話及短訊，他說：「佢都好客氣，大家識咗十幾年，雖然依家有少少拗撬，但我哋仍然保持朋友關係，一單還一單。」對於無綫非戲劇製作總監何麗全親口承認「四大」與無綫傾掂數，吳雨說：「破唔破冰我唔知，不過唔相信無綫可以畀『四大』歌手自由出入其他電視台，咁唔使簽約啦！」身為IFPI主席的吳雨說：「我個會有成七十幾個會員，相信無綫係公平、公開，如果佢可以畀HKRIA歌手咁做，我哋IFPI都可以，我暫時未收到通知。」同場的泳兒被問到是否準備戰衣出席港台頒獎禮時表示：「未知，唔太清楚，留畀公司決定。」