Mr.貪舒服廣東話受訪
Mr.前晚假Star Hall舉行「Rolling Power Music Live」音樂會，請來譚詠麟（阿倫）及其契仔關楚耀擔任嘉賓，而鼓手Tom的女友蔡穎恩（Evelyn）則站於台邊低調捧男友場。由於五子早上才由北京返港，成員Dash笑言：「我哋嘅靈魂仲留喺新界未返到九龍！」而主音Alan與阿倫合唱《黑色狂迷》時更high得衝落台，大批歌迷即湧到台前，引起小騷動。
稍後溫拿將於農曆新年假紅館開演唱會，Mr.被問到會否現身溫拿個唱時表示：「都應該走唔甩，總之溫拿叫到一定到！」
對於「四大」與無綫破冰，Mr.表示：「公司未正式同我哋講，但有呢個平台宣傳自己嘅音樂係好事！（以普通話定廣東話接受訪問？）我哋呢排喺內地成日講普通話，會用大家認為最舒服同親切嘅語言！」而Mr.最終以廣東話接受有線及亞洲電視台訪問。
