嘉玲偉仔睇齊隨時裸住上
新片中被姜文摸胸的劉嘉玲，相對於老公梁朝偉在《色，戒》的情慾場面，可謂小巫見大巫，不過嘉玲不諱言若劇本好兼劇情需要，絕不介意裸露上陣，更指某些外語電影女角戴bra穿底褲拍攝性愛場面，沒有半點真實可言。
嘉玲在英皇電影《讓子彈飛》中與姜文、葛優兩位影帝級演員合作，她所佔的戲份與一眾男演員相比，明顯較少，但嘉玲表示大夥兒合作氣氛很好，故拍攝時她即使完成戲份，也不捨得離開，寧願留下欣賞他們演出。
摸胸戲老公唔知
談到當中一場被姜文摸胸的戲份，嘉玲坦言劇本一早有，並非臨時加插，事前亦沒有告知偉仔，她說：「唔使啦，喺呢行咁耐，呢啲只不過係專業演員應該做嘅嘢，唔需要大驚小怪，性生活係成人會做嘅嘢，電影都係反映生活一個渠道。（偉仔拍嗰啲仲大膽過你！）我唔注重形式上嘅嘢，咁覺得場戲係成立，就放心交畀導演。」
嘉玲指中國觀眾少看歐美電影，未能接受該些場面：「我就唔鍾意睇荷里活電影，戴bra着住底褲點做愛？唔啱囉！可能要通過電檢或者要三級，但咁就唔係好真嘞。（要你裸露拍戲接受嗎？）會，信任導演唔會怕，總之係跟故事情節去拍，唔會賣弄就得。」
嘉玲更自爆當年拍《2046》與張震有一場大膽親熱戲，最後卻被王家衛刪掉。
稍後會探郭台銘
今年共拍了三部電影的嘉玲，表示未來日子不想全情投入電影工作上：「好劇本同組合好難求，我想有第二啲嘢學，唔可以浪費好多時間，好似《一代宗師》咁拍幾年，不過，慢工出細貨。」與連戰之子連勝文及台灣富商郭台銘關係友好的她，透露早前已赴台探望連勝文，但郭台銘則待稍後有時間再去，對於有指她早前到郭的屋苑過門不入，嘉玲指一切只是誤會：「嗰度我好多朋友住，只不過我未有時間，有時間會去探佢嘅。」
文：影視組 攝影：沈健程