楊梓瑤轉移視線性感遮殘樣
張舒雅、莊思敏及「浸大E神」楊梓瑤（Carol）昨日擔任New York Fries兩周年活動嘉賓，同獲大會贊助一世免費任食。穿上透視裙的Carol事業線若隱若現，成功搶鏡。她稱：「今日唔性感，我覺得呢條裙好elegant所以先揀嚟着。其實我係想着靚啲遮下個攰樣，想醒神啲。我一星期只係瞓得十個鐘，因為之前要拍戲，依家學校又要考試。」
提到Carol於新片《婚前試愛》有半裸演出，她謂：「背脊啫。（再性感啲得唔得？）今次已經係好大突破，再性感我會carry唔到。（送飛畀同學？）同學要買飛支持，我會帶媽咪去睇正場。」同場的張舒雅笑言不介意被Carol搶鏡：「我冇人咁好身材，所以着得密實啲，我唔係好注重身材。」
