林夕肉麻 心痛割愛
著名填詞人林夕跟楊千嬅合作無間，前晚林夕上台致賀詞真情流露：「呢15年睇住佢大，睇住佢等到今日夢想成真，我相信得獎都冇咁開心。」
林夕坦言曾經好擔心千嬅嫁唔出，想寫首《烈女祈禱》給她：「因為千嬅不嬲勇字掛喺心口，呢位烈女事業上精神上是加分，但喺愛情道路上係趕客……曾經我好肉麻比喻，佢好似我心頭一塊肉咁，佢結婚啦，我身上塊肉割咗畀人，依家又痛又愛。」並送上一句「原來在快樂中，不必明白快樂」給千嬅。
林夕還大爆丁子高對千嬅無微不至：「丁生話千嬅要做演唱會，唔好飲凍嘢，不停叫我幫手話吓千嬅，睇到丁生對佢關懷同緊張。打牌嗰陣，千嬅打錯牌，丁生嘅笑容一臉溫馨，好似睇住小朋友做錯事，但又好疼錫呢個小朋友，我好放心將呢個姐妹交畀丁生。」