丁子高做手腳 千嬅「早產」
「我願意這條情路相守隨」楊千嬅和丁子高前晚在婚宴上合唱情歌《你最珍貴》，甜蜜滿瀉，恨生仔恨到發癲的丁子高，還自拍短片扮BB在產房等出世，令千嬅驚喜爆笑；而丁子高家姐的男友更趁這浪漫時刻求婚成功，丁家雙囍臨門。
前晚千嬅和丁子高在君悅酒店擺酒宴請600賓客，現場有live band奏樂增添浪漫氣氛，婚宴甫開始，現場播出千嬅和丁子高從小到大的相片、相識、拍拖及秘密到拉斯維加斯註冊結婚的短片，讓全場賓客見證兩人走過的愛情路，有甜有苦。
喜獲終身成就獎
穿上婚紗的千嬅挽着老公丁子高進場，兩人在台上深情對望交換結婚戒指、切蛋糕，接受現場賓客祝福及祝酒，一對新人不停多謝今次幫手搞婚禮的好朋友，大笑姑婆千嬅真情流露說：「點解咁似叱咤頒獎禮，好似講緊得獎感受咁，哈哈，今晚我得到呢個終身成就獎，比任何一個獎更加令我開心感動同快樂。」
初歸新抱的千嬅公開多謝老爺奶奶：「多謝送咗個咁好老公畀我，令我搵番自己，我真係唔識講乜好，只識講多謝；我最希望係daddy、媽咪身體健康，幸福快樂，我結婚你哋唔係冇咗個女，係多咗個仔。」搞笑的千嬅還希望弟弟早日結婚，全家就可以多兩個仔和一個女。
一生最愛五女人
丁子高亦發表愛的宣言並許下承諾：「我以前一生中最愛三個女人：婆婆、媽咪同姐姐，依家開始，我生命中多咗兩個最愛的女人，一個係我老婆，一個係千嬅媽咪，媽咪，我會好好咁照顧千嬅，亦都一定會全心全意照顧你同爹哋（外父外母）。」
全晚高潮就是播出丁子高自拍送給千嬅的驚喜短片，西裝骨骨的他緊張地坐在產房外等老婆生仔，護士對他說：「丁生放心呀，丁太順產呀，不過……」，鏡頭一轉，穿了肉色緊身衫扮初生嬰兒的他，捐出來跟一班兄弟載歌載舞，令台下千嬅捧腹大笑，賓客拍爛手掌。丁子高大講情話冧老婆：「條片裏面嘅我雖然好傻好搞笑，做呢啲都係得一個原因，因為我好鍾意見到老婆笑，可以有機會見到我最鍾意嘅女人笑，係我終身幸福。千嬅，你係冇嫁錯老公！」跟着獻唱《Nothing gonna change my love for you》送給千嬅，令老婆超感動，之後兩公婆合唱張學友和高慧君的《你最珍貴》，全場掌聲如雷。
家姐宣布明年嫁
據知，全晚婚宴以mini concert形式舉行，現場有live band奏樂伴着嘉賓進食，氣氛浪漫，許志安、吳雨霏、劉浩龍、藍奕邦等排住隊上台高歌，衷心祝賀一對新人幸福快樂。而另一高潮是丁子高家姐Gany的男友Archie，夾埋丁家上下向女友公開求婚，令丁姐姐感動答應下嫁，預計明年結婚，丁家雙囍臨門，昨日記者致電丁子高堂哥丁子峻，他說：「好開心堂弟、堂妹都結婚，睇到一對戀人同甘共苦，修成正果，好感動，千嬅同子高都高興到眼濕濕。」
採訪：音樂組