愛穿婚紗未想嫁 周秀娜撐謙仔冇花假
周秀娜（Chrissie）與羅仲謙昨日出席形象顧問概念店開幕，兩人還擔任模特兒行騷，身穿低胸禮服的Chrissie透露雖然近期愛上穿婚紗，不過還未想當新娘子。
封口拒談私人事
對於新片《婚前試愛》拍檔謙仔近日受負面新聞纏身，問到Chrissie是否相信對方為人？她謂：「信，同佢拍戲佢好Gentleman，不嬲有嗰句講嗰句，兩個我都合作過。」而謙仔對於被傅穎指說話冇句真，平日甚為合作的他竟封嘴，表示不欲談及私人事，問到是否曾追求對方，他謂：「呢啲都係私人嘢，依家同佢係同事、朋友。」謙仔更指近期除了工作以外，私下未有與傅穎接觸。
男友陪埋去台灣
此外，「萬寧哥哥」沈志明在電影《婚前試愛》中與Chrissie有火辣場面，他昨日出席活動時與Chrissie男友陳偉成（Avis）同場，他坦言不會感到尷尬：「呢個係工作。」而Avis從來對女友投以信任票，對她十分放心，問到女友曾透露二人感情亮紅燈？他笑說現在補救中：「點補救？去台灣陪佢工作，希望紅燈變綠燈啦，（你當佢係公主？）不嬲都係。（呢個公主有冇病先？）佢冇病，只係我遷就佢多。」
文：影視組