谷祖琳百萬婚宴喊住出嫁

谷祖琳昨日出嫁，與從事香水及化妝品代理生意的老公劉穎恒在洲際酒店筵開五十圍，豪花逾百萬元。現場以白色花作為布置主調，甚有立體感，配上粉紫色燈光更顯浪漫氣氛。到場賓客包括小谷叔父谷德昭及其緋聞女友林子萱、曾志偉、古天樂、吳君如、周慧敏、倪震、何超儀夫婦、謝安琪及張繼聰等。

順其自然不設防

戴上兩卡婚戒的小谷，身穿由何國鉦設計的婚紗出場。她表示婚禮主題是《2 family become 1》，因兩家人感情甚好。她透露與老公是澳洲讀大學時的同學：「我哋性格同背景都好似，雖然拍拖未夠一年，但好似失散咗搵番啲嘢咁！佢日日都感動我，點可以唔嫁佢吖？」她又自爆化妝時感觸落淚：「前一晚都冇瞓，好多嘢要準備！依家好感動，以前話擺酒好煩，但原來好warm！（生BB？）順其自然，都不設防o架喇！」小谷全晚共換上四套婚紗及晚裝，其中一套較性感，她笑言是老公要求。

此外，昨午新郎哥接新娘時「依例」被玩，兄弟團穿上女性內衣做掌上壓，最後開門利是以五位數成交。姊妹黃伊汶直言被感動得有點「春心動」：「今次學到好多嘢！佢老公好純，相信小谷食得住佢，我都會咁揀老公。」其後花球由姊妹俞詠文搶得，黃伊汶笑言內心很想爭，但怕被人看穿恨嫁的心。

小谷小心翼翼遞新抱茶給奶奶。

黃伊汶笑言被婚禮感動得「春心動」。

文：影視組