祖兒五度蟬聯至Net歌后

第八屆「Yahoo！搜尋人氣大獎2010」頒獎禮前晚舉行，容祖兒、古巨基、泳兒、蔡卓妍、薛凱琪、鄭元暢、金賢重等港台韓三地藝人出席。

英皇旗下歌手在頒獎禮合共奪十七獎項成大贏家，而祖兒與基仔齊奪三獎，成最多得獎歌手，祖兒更五度蟬聯「本地女歌手」大獎，認真威水。蔡卓妍亦連奪三獎，其中有兩首歌屬合唱歌。

自嘲未發育似男人

穿上Celine駱駝色斗篷現身的祖兒對《破相》奪得歌曲獎感開心：「喺演唱會唱呢首歌嗰陣，啲人嘅反應就好似去飲終於等到上翅咁，其實呢首歌任何人唱都得。」

早前因演唱會而激瘦的祖兒，笑言現時為頒獎禮服裝苦惱：「都有啲睇頭o架！（你好「平」如潮喎！）我自己知自己事，啲衫嘅着眼點唔喺嗰度，所以都唔會好擔心。反而最煩係身材變番十六歲未發育之餘，仲有個髮型好煩，嗰日我喺屋企試sponsor嘅裙，好似男人着裙咁。（何韻詩都係咁啦！）佢骨子裏柔情似水，而且佢有啲身材o架！」基仔表示會為歌手贊助服裝，記者提議祖兒搵基仔攞衫，她即謂：「唔制！咁咪一模一樣？除非佢再隆重設計過啦！」

金賢重專程來港領獎。

薛凱琪憑《字花》奪「搜尋十大人氣歌曲」獎。

基仔乘機宣傳品牌

同場的基仔以自家品牌abc服裝現身，他直言現時出席頒獎禮志在宣傳。對於林峯在無綫佔優勢，基仔坦言與林峯同屬英皇，誰奪男歌星獎亦開心。

提到林峯不入叱咤男歌手最後十強，基仔說：「每個台有唔同機制，頒獎禮冇話啱唔啱，各人心中都有自己嘅最喜愛同最受歡迎。」

文：音樂組