歌手洪卓立（Ken）日前在「MASHIMARO造型設計比賽」中擔任評判，為誕生十周年的動畫人物MASHIMARO選出最出位的新造型，結果Ken在芸芸造型中，揀了趣致家燕、百變聖誕樹及百家布服裝的造型為冠、亞、季軍得主，他獻唱歌曲《蘋果樹》娛賓，和穿上聖誕老人裝的小朋友合照留念。
Ken又說一直打算買樓，有謂政府出招壓抑炒樓風，正是他置業的好時機，但Ken覺得此新政策對小市民幫助不大，他說：「其實炒樓嗰啲，多數都係炒豪宅，就算加重啲稅，多十幾萬，對佢哋都唔係咩問題，但幾萬蚊對小市民就係好大負擔。」因此，他考慮押後「上車」計劃，靜待時機才入市。
