Winkie節源攻略 100蚊掃靚衫
組合HotCha成員Winkie（黎美言）日前到日本旅行減壓，知慳識儉的她自創「節源攻略」，成功以平均一百蚊價錢買下大堆靚衫，此行更巧遇日本靚仔，可惜因太怕醜而錯失發展中、日情緣。
Winkie早前趁有幾日假期，和女友人到日本旅行數日，除遊遍日本名勝、享受地道美食外，最開心當然是瘋狂購物買靚衫，不過她強調絕對沒有「大出血」，因她出發前已收集好資料，再定下掃貨策略。
買平衫忌衝動
Winkie說：「我會捐窿捐罅買衫，我去咗涉谷、竹下通同上野四圍搵，皇天不負有心人，我只係用咗三千蚊港幣就買咗約三十件衫，平均每件一百蚊度，仲係又靚又唔會通街有，真係抵到爛。」
不過Winkie稱買平衫時，切忌衝動，她補充說：「千祈唔好見平就買，就算鍾意都要諗吓先，記住間舖頭名，臨走時如果仲掛住件衫，就返轉頭買，咁就一定唔會買咗唔係咁鍾意嘅衫。」
鍾意abc有風度
除行街行到腳跛外，Winkie和好友亦有到遊樂場玩機動遊戲，在她們坐過山車時，因太驚慌關係，坐在她們身後的型男即搭訕，她說：「佢眼細細，但好高，都型仔o架，佢哋猛讚我同個friend好『卡娃兒』，又要同我哋影合照。」問她可有下文？Winkie就話因太怕醜關係，沒有交換電話或電郵，玩完過山車就bye bye，不過她不覺得可惜，因崇洋的她較偏愛外國長大的華僑，她謂：「聽講abc男仔有風度又幽默，我最鍾意。」
文：音樂組