劉明軒唔止個樣：chok聲更好
無綫藝員林峯chok樣出位，有線主播劉明軒、區永權及黃芳雯坦言要做成功的主播，同樣要識得chok樣加chok聲，即可以贏得關注。
有線一年一度招聘新主播又將展開，師兄、師姐齊齊率先教路，區永權直言：「希望可以有多啲男仔加入啦，我呢排聲帶有事請咗假一段時間，發覺真係好唔夠男仔用，（唔想多啲靚女睇咩？）唔需要啦！依家結咗婚老婆日日睇到實。」
歡迎成熟男
劉明軒表示一眾主播將會殺入鬧市派宣傳單張，希望吸引多些新血入行，她說：「潮流興chok樣，我覺得做主播都好需要呢樣嘢，識得chok樣兼chok埋聲就最可以加分，另外如果多啲特別嘅才藝就更加好啦，我都希望可以有多啲成熟型男加入做同事。」
碰釘中學習
資歷較淺的黃芳雯坦言加入主播行列令她快速成長，短短兩年時間學了不少東西，她說：「如果對呢行有興趣真係不妨一試，但面試前要留意多啲娛樂新聞。」入行七年已成為大師兄的區永權則說：「回想七年真係碰釘中學習，透過專訪識咗好多朋友，好似蘇永康、張栢芝，栢芝係好到知我太太有BB即主動分享經驗，又送書畀我哋。」
文：影視組