馬賽氹媽咪 陳美詩冧情郎
無綫藝員馬賽及陳美詩（Macy）日前相約整朱古力，單身的馬賽直言今個聖誕節會在工作中度過，並將甜蜜製成品送給母親作聖誕禮物，而有情人的Macy就會準備神秘禮物冧情郎！
向來愛整甜品的Macy整起朱古力來似模似樣，她在朱古力上畫上心形，最後又在上面寫字，製成品看似出自大師手筆，就連馬賽亦大讚可將它拿去賣！原來Macy自中學時期就愛上烹飪：「以前會去圖書館借啲烹飪書返屋企試整，依家有朋友去我屋企我都會整嘢畀佢哋食！」男友孫耀威亦有試過她的手勢，對之亦讚不絕口！Macy透露聖誕節將會跟友人共聚，不過男友要到外地工作，因此未必能過二人世界：「不過我都會準備禮物畀佢，依家都未諗到係乜，但係會盡量自己親手做。」
有藉口聚會
至於馬賽就會將朱古力送給母親作聖誕禮物：「其實我覺得依家買禮物好易，但係自己整就有心意好多！」馬賽表示今個聖誕會在工作中度過，她直言向來都不太着重節日，只是給她一個「藉口」跟朋友、家人共聚：「就算要返工，喺公司同同事一齊過都好開心！今年聖誕願望係想自己拍啲劇可以快啲播，等觀眾快啲睇到我嘅表現！」
文：專案組 攝：黃叔榮
化妝：Joey（馬賽）
場地：Godiva
服裝：Fly Girl（陳美詩）、Luisa Cerano（馬賽）