張文慈難忘「虐打」經歷
張文慈（Pinky）入行不久即踩過界拍電影，雖然發展順利，她卻不忘剛入行時曾遭「虐打」的苦況。她謂：「記得嗰日集中拍我畀人打嘅戲，點知對手冇借位，我硬食拖鞋摑臉、鐵鏈鞭身之苦，塊面腫到好似雞蛋咁，我忍唔住喊！點知有人大聲話：『喊乜呀？仲唔收聲？』最搞笑係最終出嚟嘅鏡頭，全部集中喺臉部大特寫，咁我身上啲傷咪即係白捱囉！」Pinky返家後，家傭竟以為主人遇上酷刑，護主心切忍不住想報警。
事隔多年，Pinky雖不肯就此事再多透露端倪，但仍不禁謂：「怪只怪當時我唔識做人，又唔夠口甜舌滑、識做同氹死人囉。」