溫碧霞孖囝囝漫天風雪迎聖誕
今年溫碧霞（Irene）首次跟兒子何國倫（Xavier）共度聖誕，Irene想讓囝囝過一個白色聖誕，兼探望一下爺爺嫲嫲，故決定到紐約過聖誕節。
Irene近期工作相當忙碌，經常要到內地拍廣告及登台。雖然聖誕節是藝人搵錢的黃金時間，但她決定放棄，寧願跟家人一起度過。Irene表示：「呢排真係好忙，但今年聖誕我會同老公、囝囝去紐約，因為老公嘅爸爸媽媽喺紐約住，佢哋好少見Xavier，所以聖誕會帶囝囝返去見爺爺嫲嫲。」
太忙未買禮物
從小到大，Irene覺得聖誕節應該在很凍的天氣下度過，所以每年聖誕節她都很少留在香港。今年首次與囝囝過聖誕，當然希望過一個白色聖誕。Irene謂：「聖誕落雪，氣氛會好好，希望到時會落雪，等囝囝過一個白色聖誕。」
問到今年會送甚麼禮物給兒子？Irene表示：「佢已經有好多禮物，我成日都會去買嘢畀佢。（聖誕返紐約，會唔會買聖誕禮物送畀老爺同奶奶？）但我真係太忙，依家都喺內地，真係要完成工作，先可以返香港買。」
文：影視組