杜宇航北京雪戰寒入心
打星杜宇航因聖誕要工作，所以早前相約陳嘉桓跟一大班小朋友提早過節，布置聖誕樹兼大談快樂經歷，杜宇航自言曾經跟好友在漫天飛雪下打雪戰，陳嘉桓則每年都會跟家人過節，一起吃大餐、交換禮物，氣氛溫馨！
杜宇航、陳嘉桓於影壇發展相當不俗，雖然入行時間尚短，片約卻一部接一部，由於今年聖誕節杜宇航要到內地開工，所以他日前便相約陳嘉桓跟一班小朋友提早慶祝，大家一起布置聖誕樹，場面熱鬧！
談到難忘聖誕，杜宇航稱：「有一年聖誕我喺北京參加比賽，聖誕嗰日，我同班北京隊友出去玩雪戰，嗰次係我第一次見雪，但啲隊友就非常有經驗，將啲頸巾攝晒落件衫入面，結果，我係咁畀人塞啲雪入衫度，凍到入心！嗰次係一個好開心同難忘嘅聖誕！」
渴望多工作
今年聖誕要在內地拍電影《辛亥革命》，但杜宇航一點也不會悶，因為他已計劃約以前的北京隊友敍舊，大家涮羊肉打邊爐，將會過一個暖笠笠的聖誕。
至於陳嘉桓，她笑言以前多數會跟屋企人共度佳節，一家人去食聖誕大餐，行街睇燈飾、交換禮物等，節目經已好豐富，問她多年來收哪份聖誕禮物最特別？她笑言：「飛行棋，係表弟送嘅，我覺得幾特別。」今年，陳嘉桓希望可在工作中度過，因為未試過，而新年願望都跟工作有關，她笑言：「希望不停有工作，開開心心。」
文：影視組 服裝：GAY GIANO