江若琳恨情人送上門

聖誕節很易令人聯想起聖誕老人，江若琳笑言小時候都很相信這個世界有聖誕老人，曾祈禱希望對方送一部遊戲機給她，結果，父親當了這個聖誕老人，但買了遊戲機給她卻自己愛上了玩，經常「霸機」，令她哭笑不得！

徐正曦只想事業

江若琳與徐正曦都是單身，佳節當前，問他們想不想聖誕老人送個情人給他倆？江若琳笑言：「都好喎！過時過節見到人哋一雙一對，都好想拍拖，等自己身邊有個人同自己分享一下，又可以計劃去下第二度，過一個白色聖誕。」

徐正曦對此則持相反態度，他覺得自己事業剛剛起步，正值「搏殺期」，滿腦子是工作，一切以事業為先，不過，他都覺得拍拖可以增加人生閱歷，對演戲有幫助。說到此處，身旁的江若琳笑言：「我冇諗到咁長遠，淨係諗住拍拖開心咋！」

孝順仔女報親恩

講聖誕老人講到興起，反問兩人若自己是聖誕老人的話，會送甚麼禮物給甚麼人呢？原本嘻嘻笑的江若琳，收起笑容，很認真地回答：「我希望送一個長假期畀媽咪，佢同我一樣咁忙，由朝到晚工作冇停過，見到佢做嘢咁辛苦，我都好心痛，所以，我好想送個長假期畀媽咪，等佢休息下，最好當然係我可以養佢。」

徐正曦亦坦言很掛念上海的父母，他說：「我已經好一段日子冇見過佢哋，真係好掛住佢哋，希望將來可以送一棟大豪宅畀佢哋，報答佢哋養育之恩，因為養大我真係唔容易。」

文：影視組　攝：黃叔榮

場地：海港城 服裝：marc by marc JACOBS 化妝：諺瞳小白@Picturesque Gate 髮型：James Lee @ Hair（江若琳）