文恩澄青海取景患高山症
歌手文恩澄（Rannes）早前遠赴青海為電台拍攝特輯，她已是第二年參與該節目，十日行程令她有全新體驗：「咁大個女第一次上到咁高嘅地方，有成海拔四、五千米，嗰度好凍，仲落雪！」特輯於青藏鐵路取景，Rannes曾出現高山症反應：「個頭、個心一齊跳，跳一下就痛一下，仲嘔同不斷喘氣，瞓瞓下都會因為唔夠氧氣醒，好辛苦。為咗方便做嘢，嗰度嘅車站都有氧氣吸。」但她沒有想過放棄拍攝，稍事休息便繼續開工。
導演對Rannes卻未有憐香惜玉，還要求她跑及跳，展示活力一面。何以不撒嬌？Rannes說：「我性格一定唔會啦，最多話抖抖再嚟過。不過嗰度風景好靚，有機會睇到已經賺咗。」
