周秀娜咪咪冬眠 劉心悠着舊裙胸前反勝

昨日蘇永康、名模Ana R.及o靚模蔡穎恩和陳嘉寶等，一同出席「she critiques美容大賞2010」頒獎典禮，穿上低胸古着tube dress的劉心悠露出深長事業線，成功搶去一身黑色打扮的性感女神周秀娜風頭，難得心悠還謙稱：「我條事業線畫出嚟架，其實呢條裙係我剛入行時買架，隔咗四、五年再着感覺好唔同，因為肥咗！（升咗級？）可能肥咗有肉咗，唧咗啲肉出嚟，不過我就鍾意以前嘅感覺多啲！」記者笑言她沒有輸給周秀娜？她笑說：「人生有贏有輸，唔一定成日輸嘅！」

撐羅仲謙不說謊

談到同公司的傅穎與緋聞男友羅仲謙反面？更有指傅穎指對方常說謊？為此心悠就力撐師弟說：「阿謙係一個好純情嘅男仔，佢唔鍾意講大話，起碼佢對我冇講過大話，佢幾年前話送件褸畀我，點知真係送咗，所以我覺得佢唔會講大話。」問到會否擔心他被情場老手欺騙？她說：「唔驚，除非嗰個人本身都係抱住玩人嘅心態，否則都唔使驚。」

感情衝線變綠燈

至於同場的周秀娜被問到是否「咪咪」要冬眠？她即笑說：「唔係，我今日都好hot呀，係喱士。（心悠性感過你？）我不嬲都覺得佢好靚。」此外，談到早前有指她與男友感情亮紅燈？她說：「衝咗線啦，依家變咗綠燈。」她透露聖誕要去台灣拍戲，因此在黃金檔期損失了六位數字的收入。

文：名人組