三級情慾 放眼柏林 劉國昌發掘性伴
擅長拍攝寫實電影的導演劉國昌，正計劃開拍一齣大膽揭露都會男女以性會友的新片《SP》，為增強寫實感，導演決定公開招募五位年齡介乎二十至三十歲的女性，參演這齣不乏大膽裸露情慾場面的話題新作。
曾執導《童黨》、《五億探長雷洛傳》、《圍城》、《無野之城》的劉國昌，乃本地有名的學者型導演，他坦言新片的大膽情慾場面具存在價值，他說：「套戲講社會上唔同階層男女，透過互聯網以性會友，發展SP（Sex Partner，性伴）關係，有OL、美容師、學生妹、已婚婦女、CEO，層面廣泛，套戲改編真實個案，有大膽裸露，甚至3、4、5P群交鏡頭，激就一定激，肯定會係三級，但唔係刻意賣弄，係要探討點解會出現SP現象。（太激入唔到內地？）唔會為遷就審批削足就履，套戲目標希望參加柏林、釜山等外國電影節。」
新面孔 實感強
劉國昌有豐富起用新人演出的經驗，對於《SP》中將起用五個主要女角，他說：「香港冇乜具知名度嘅演員肯拍裸露，好難得投資者唔介意起用新面孔，真實感強，演員拍起嚟又冇包袱，對部戲都好。之前casting咗二十個女仔，但我想喺出年年頭開拍前物色最適合人選，冇演出經驗或者有少少演出經驗，我哋都會考慮，經理人覺得旗下藝人適合，都可以將資料電郵去james@dharmaworkshop.com，我哋再從中挑選合適嘅進行試鏡。」
文：影視組
攝：黃叔榮
場地：Table 18