陳靜愛的紋身只為老公
陳靜（DaDa）的初戀男朋友將她的名字紋在身上，隨後分手其初戀男友要將紋身修改，令她心感內疚，一直想紋身的DaDa指「愛的紋身」只會留給未來老公。
DaDa一直心郁郁想紋身，因家人反對及工作關係未能如願，問她會否考慮「愛的紋身」？DaDa說：「唔會紋男朋友個名，老公就可能會，同埋只會紋喺隱蔽地方，因為初戀男友曾經將我個名紋喺身上，之後分咗手，佢識咗另一個女朋友又要改過個紋身，我都覺得好內疚。」
為求滿足紋身的願望，DaDa平日會黐紋身貼紙裝扮一番，連選擇眼鏡也會挑選紋身圖案款式，她最喜歡Ed Hardy的花紋，取其似紋身圖案。
不想佳節識男仔
聖誕節將至DaDa平安夜已約好一班單身好姐妹開P飲紅酒過節，還笑謂可以互相扶持一番。現時單身的她何不趁佳節識男仔？DaDa說：「呢啲節日好危險，以前都試過因為大節想拍拖而拍拖，最後都維持唔到好耐。」dry足一年冇拖拍的DaDa已適應單身生活，以前她的男友一個接一個，單身之後發覺原來自己有做女強人的潛質，可以靠工作填滿生活，拍拖順其自然。她承認入行後較難識男朋友：「我走性感路線，都會驚追我嘅男仔係咪認真架！總之拍拖順其自然。」
文：影視組
場地：眼鏡88-沙田新城市廣場分店