G.E.M.恨假等發新年財
聖誕節將至，鄧紫棋望見密密麻麻的工作時間表，感受不到歡樂的節日氣氛，她惟有寄望農曆新年時可獲公司恩准放假數天，並期望發個新年財。
鄧紫棋（G.E.M.）開始為來年的個唱做準備，日日做運動，希望操Fit自己，而她亦忙於出騷搵錢。
雖然她期望聖誕節放假，但緊密的時間表令好夢幻滅，G.E.M.帶點沮喪地說：「冇乜聖誕願望，因為已經見到工作時間表，聖誕一日假期都冇。依家等新年，通常大年初一、二、三都可以放假，希望到時可以討多啲利是！」
避談林宥嘉
G.E.M.將在下月到台灣及內地宣傳唱片，暫別香港的fans，問到她到台灣工作時會否相約緋聞男友林宥嘉？她即大賣關子：「唔講佢，一講佢，大家就唔會留意我嘅音樂。」但談到紅館個唱，G.E.M.即興高采烈，熱愛音樂的她希望屆時為fans帶來新鮮感，為此她將在歌曲中加入不同的元素：「嚟緊完晒宣傳，二月會返香港，到時開始調整心情，專心排舞，仲想將所有歌都重新編曲，唔想啲歌嘅感覺同唱片一樣，為觀眾帶嚟新鮮感！」
文：專案組
攝：吳文聰
服裝：Ztampz
場地：Hooray Bar & Restaurant