楊千嬅未擺酒先攻BB衫
楊千嬅與丁子高將於下星期一在君悅酒店筵開47席補擺喜酒，由於婚宴已進入倒數階段，新娘子千嬅坦言心情緊張，前日下午6時許，千嬅挽着掛上一條鑽石手鏈的名牌手袋，與女友人在中環一間日本童裝店購物。
期間見千嬅只專注揀BB衫，又不時拿出來研究及向店員詢問，不過，當同行友人發現門外有記者拍照，即通水給身旁的千嬅，兩人隨即急急走人。問到她是不是有喜？千嬅友善地表示：「我買禮物畀朋友啫。（你睇BB衫，係咪有咗？）我都想有呀，你教吓我點先有吖！（丁生今日唔陪你？）佢做嘢唔得閒，各有各忙。」說罷千嬅便轉身走人。