薛家燕十字舞氹番保怡

保怡、家燕姐、鍾嘉欣、陳錦鴻、麥長青、敖嘉年、江美儀等昨為新劇《九江意醲》試造型，家燕姐甫見到新鮮出爐的「亞洲視帝」保怡，即向他恭賀，當得知無綫冇表示，家燕姐即在保怡面前跳十字舞《Nobody》氹他開心，保怡見家燕姐如此搞笑，也開心得陪她跳了幾跳。活動上家燕姐介紹各演員時，即介紹保怡為亞洲視帝，又忍不住說：「畀視帝講吓，我怕話無綫忽略咗你。」更笑謂封陳錦鴻為花灑視帝。

為攞獎唔剃頭

本來男演員試造型都需要剃頭，但保怡卻沒有剃，他解釋：「原本今日好專業咁剃埋頭，但今朝知道攞咗大陸網上『人氣男演員獎』，月尾要去北京領獎，（公司有咩表示？）頭先撞到高層，佢問我係咪嬲公司，我話唔係嬲，我同無綫合作咁耐，未來一定同佢合作，可能佢哋多嘢做啦，話下個月會有儀式，（高層係樂易玲？）嘻嘻嘻！」至於會否獎勵自己？保怡謂雖有名銜，但不會被勝利沖昏頭腦及驕傲。

鍾嘉欣唔怕陳錦鴻這個「花灑視帝」。

左起：敖嘉年、江美儀、麥長青在新劇中又碰頭。

嘉欣演長短腳

此外，家燕姐聞得無綫對保怡捧獎沒表示，又不派人接機，亦覺得不是太好，她笑言：「又唔通知我，我會拉大隊去機場跳《Nobody》嘛，我請佢去公司餐廳食飯慶祝。」此外，鍾嘉欣在劇中的角色有長短腳缺陷，她擔心拍足三個月會對盆骨有影響。

文：影視組