呂慧儀自認男仔頭逃過色劫
昨日呂慧儀、梁政珏出席商場活動，對於有指「少年食神」之稱的林澄光（Michael）四處誇口稱搭上高海寧，又與他人有錢銀瓜葛，呂慧儀笑言自己男仔頭，不是他「那杯茶」，梁政珏則讚高海寧醒目肯定她不會被騙。
呂慧儀、梁政珏及新八模的A.Lin、Mia等齊齊出席商場聖誕活動，昨日氣溫急降，但呂慧儀及梁政珏則分別穿上大會安排的雪紡裙及低胸吊帶裙示人，二人坦言很凍，呂慧儀更直言凍到流鼻水，不過比起同場穿着密實的新八模，兩女則成功吸引記者圍拍。
拒絕向高海寧求證
對於有指Michael於朋友前誇口稱搭上高海寧，與Michael於節目《為食一條街》經常合作的呂慧儀及梁政珏昨日齊聲表示向對方投以信任票。問呂慧儀有否被騙色時，她謂：「無喎！佢當我男仔頭，（話佢嚼完唱？）好難想像，我冇問高海寧，我覺得呢啲係娛樂新聞，第三者未必知，唔回應咁多。（佢未埋過你手？）我諗我唔係佢嗰type，我太男仔，而且佢冇問過我攞錢投資，我唔信囉！」
A.Lin鬧醒被騙o靚模
而梁政珏被指「守得住」，她笑言：「其實Michael好gentlemen，對個個女仔都係，（唔gentlemen點溝？）佢好識食嘢，又多車。」問她是否有個有錢男友故對方不敢埋身？她表示不談私事，更坦言相信Michael人格，又謂：「高海寧好醒目，我都幾肯定佢冇畀人呃。」
至於A.Lin被問到有關o靚模被騙案，她說：「嗰啲女仔連基本保護自己都唔識，唔抵可憐，要鬧吓佢先會醒。」
文：影視組