羅啟仁專心搞音樂劇
藝人李賽鳳前夫羅啟仁，以搖滾動作音樂劇《美猴王》編劇、製作兼總導演身份來港宣傳。他透露今次的音樂劇集合了中國元素，再加入武術、特技和歌舞，單是演出者已達七十人，場景超過廿個，服裝亦高達五百套之多，音樂劇將會在明年一月廿五日在文化中心公演八場。主辦舞台劇經驗豐富的他，表示今次在技術上沒有難度，反而在演員簽證來港時較為複雜，加上香港演出百老匯式舞台劇的場地有限，最終只有文化中心只能租出一個星期作演出，問他是否港府不支持？他說：「又唔覺，你睇佢哋好生意成咁，爆到一年前訂都係得一星期，想租耐啲都唔得，（考慮其他場地？）我知仲有演藝學院，但座位和舞台較少。」
羅啟仁當年曾大爆李賽鳳與演員宗天意疑有婚外情，並已跟前妻沒聯絡：「依家仲搞緊離婚，美國啲法院時間係要耐啲。我有畀佢臨時贍養費。（仲嬲緊？）當日我知件事九個月先講出嚟，當時已經冷靜晒，只希望唔好影響到我哋劇團演出。」問現在如何分配工作和感情的時間？他表示全心做好工作，有時間才會度假休息。
