黎淑賢拖老公睇靚女冇有怕

甚具審美眼光的黎淑賢（Bonnie），今次為選美擔任評判可謂手到拿來，不過她經當晚的評審後，坦言對新一代女生另有一番「見識」，還謙言自己當年是「符碌」當選：「依家啲女仔好叻，如果畀我再返轉頭選美，都要好好裝備自己先可以出場鬥靚，因為個個才華都高，例如書法、拉小提琴都到演奏級，質素好高。（比起自己？）覺得自己『符符碌碌』，得個樣靚靚哋囉！」

「佢覺得我靚啲」

此行Bonnie有老公許智政陪同出席，問她擔不擔心老公「大開眼界」？Bonnie笑說：「專登搵佢陪，咁先睇到個老婆都幾靚，（咁睇完其他佳麗之後老公畀你咩評價？）佢覺得我靚啲！」

黎淑賢頒獎予得獎佳麗。

黎淑賢在會上接受胡渭康訪問。

自信乃首要條件

有老公愛錫的Bonnie，言談間流露幸福之情，但並未沖昏頭腦，對評審標準仍很清晰，Bonnie以過來人身份表示選美的條件一定要夠自信及獲家人支持，否則很難「撐」落去。她說：「我選嗰年都係得十七歲，細細個選美，家人支持好重要，年輕接觸呢個圈亦有好處，咪當自己一張白紙咁，適應能力更強，所以今次當選嘅三甲，都係得『十八廿二』咋！」

放大圖片	黎淑賢細細個選美，故對選美甚有心得。

文：影視組