何琍琍指趙世光發燒未醒
趙世光自中風至今仍留在瑪麗醫院ICU，太太何琍琍與一班仔女連日探望。何琍琍與女兒趙式平昨晨八時五十分到達醫院，期間被問到趙生是否甦醒？她說：「幾好，不過未醒！（醫生有冇話幾時會醒？）醫生睇唔到，呢兩日有好轉機。」不久，女兒趙式明也現身，對於記者追問她爸爸情況如何？她說：「幾好，穩定。（醒咗未？）我入去時佢瞓咗，依家最重要休息多啲！」
大約下午三時二十五分，何琍琍離開醫院時被問到會否為趙生轉房？她說：「未，唔會住，（清醒認得你哋未？）未。（依家情況點？）有少少發燒，依家要平衡佢血壓，所以要畀藥佢，等佢休息多啲。（你今朝話有好轉機，係乜？）有好轉機即係會轉房，唔使ICU。（情況樂觀？）係呀！係呀！」而趙生兒子趙式慶與太太、女兒趙式和與夫婿李承康及奶奶李顏玉秀都有前來探望。
